Nyanggra Pujawali Luhur Serijong, WHDI Tabanan Ngayah Matanding lan Ngias

Selasa, 28 Agustus 2018 | 17:25 WITA

beritabali.com/ist

DOWNLOAD APP BERITABALI.COM   
Beritabali.com, TABANAN.
Beritabali.com,Tabanan. Nyanggra karya pujawali ring Pura Luhur Serijong, Desa Antap, Selemadeg, sane pucak pujawaline rauh nemonin Buda Umanis wuku Prangbakat pinanggal (29/8/2018), pare prajuru Wanita Hindu Dharma Indonesia (WHDI) Tabanan ngaturang ayah metanding lan ngias.

Pilihan Redaksi

  • Ngungkab Tutur Indik Tabanan Kaloktah Kota Pelangi
  • Pacentokan Pidarta Mebasa Bali Kedik Pemilet, DP Tabanan Pacang Tedun Ke Sekolah
  • Kado HUT RI Ke-73, Tabanan Raih Platinum Kategori Pariwisata IAI 2018
  •  
    Ngayah punika kemargiang ring rahina Anggara Keliwon wuku Prangbakat (28/8/2018). Manggala WHDI Tabanan Nyonya Putriningsih Wirna majeng juru warta beritabali.com maosang, ngayah sekadi puniki sampun sering kemargiang ring kayangan - kayangan jagat sane wenten ring wewidangan Tabanan.
     
    Tiosang ring prajuru WHDI Tabanan, ngayah sekadi punika taler kasarengin olih prajuru WHDI desa lan kecamatan genah kayangan sane kajujur angge genah ngayah.
     
    "Ngayah sekadi puniki pinaka sarana bhakti WHDI Tabanan lan pinaka program saking baga  Agama lan Kebudayaan miwah baga Sosial," Nyonya Putriningsih Wirna negesang.
     
    Antuk pemargi ngayah punika, Putriningsih Wirna nguningan dane lan pare pamilet sami dahat rena lan nyuksemayang manah santukan maduluran ngayah punika presida ngemargiang visi Tabanan Serasi lan ngajegang budaya Bali miwah agama Hindune. (bbn/rah/rob)

    Penulis : Rilis Pers

    Editor : I Komang Robby Patria


    TAGS : WHDI Tabanan Pujawali Ring Pura Luhur Serijong



    News Lainnya :


    Berita Lainnya

    Trending News

    Berita Bali TV